Совршеното издание на Ѓоковиќ за новото четвртфинале на Ролан Гарос, а сега следи спектаклот

Српскиот тенисер Новак Ѓоковиќ без поголеми проблеми избори пласман во четвртфиналето на Ролан Гарос.

Новак без загубен сет стигна до завршницата на Грен слем турнирот во Париз. Ова беше уште едно совршено издание на Новак, а нова „жртва“ беше минијатурниот Диего Шварцман, кој обожава да игра на земјена подлога, но сепак е далеку под нивото на најдобриот во светот во моментов.

 

На Ѓоковиќ му требаа нешто повеќе од два часа за да го победи својот ривал во три сета. Првиот сет го доби најлесно (6:1), во вториот беше 6:3, а во третиот 6:3.

 

Сè на сè, многу лесна победа за Ѓоковиќ, но најтешкиот испит го чека во четвртфиналето, бидејќи таму би можел да се сретне со кралот на згура, Рафаел Надал, доколку не се случи чудо и Рафа го загуби својот меч подоцна од Феликс Огер – Алиасимеа.

 

Ждрепката сакаше да ги видиме двата најдобри и главни фаворити на РГ во четвртфиналето, но тоа сепак гарантира нов спектакл и тениска класика. Инаку, ова е 13. настап на Новак во четвртфиналето на францускиот Грен слем.

 

Ова беше првиот меч од денешната тениска програма на Ролан Гарос во машката секција. Александер Зверев потоа ќе игра против Шпанецот Запата Миралес, по што ќе следи пресметка меѓу Огер-Алиасиме и Надал, а на крајот на денот интересен дуел меѓу Карен Качанов и Карлос Алкараз.

 

Ролан Гарос, осминафинале:

Шчварцман (АРГ) – Ѓоковиќ (СРБ) 1: 6, 3: 6, 3: 6