Станува сериозно: На Интер му пристигна примамлива понуда за Икарди

Интер, наводно, добил многу примамлива понуда за аргентинскиот напаѓач Мауро Икарди.

Медиумите во Италија и Шпанија вчера објавија дека Челзи испрати понуда до тимот од Милано, која изнесува 40 милиони евра плус Алваро Морат за Мауро Икарди.

Оваа понуда од Плавите е многу примамливо. Сепак, сопругата на аргентинскиот напаѓач, Ванда Нара, вчера објави дека нејзиниот сопруг останува во Интер, но од овој тим сè уште не се изјаснија.

Претходните месеци се спомнуваше можноста од неговото заминување од Џузепе Меаце, но Интер бара огромни 110 милиони евра.

Ова е нивна можност да заработат големи пари бидејќи оваа клаузула истекува на 15-ти јули. Мората и 40 милиони евра е добра понуда, и ќе видиме што ќе одлучи италијанскиот тим.

Икарди постигна 29 гола минатата сезона и го предводеше Интер во Лигата на шампионите, но тоа не му помогна да добие повик за репрезентација за Светското првенство.