„Старата дама“ добива конкуренција во трката за Марсијал

Францускиот крилен напаѓач, Ентони Марсијал целосно падна во втор план кај Жозе Мурињо, па затоа сака да го напушти Манчестер Јунајтед, во потрага за повисока минутажа, и да го покаже својот талент што е можно поскоро.

Марсијал и оваа сезона покажаа дека Јунајтед не погреши, кога го донесе од Монако во 2015 година. Сепак, како што минуваше времето, Мурињо му даваше се помалку шанса да игра.

Поради оваа причина, веќе долго време се шпекулира дека 22-годишниот Французин ќе го напушти Олд Трафорд ова лето, а Јувентус никогаш не го криеше својот интерес за овој играч.

Веќе некое време се шпекулираше дека Марсија е на чекор до преминување во редовите на „Старата дама“, но францускиот „Ле 10 спорт“ објави дека Јувентус добил конкуренција кога станува збор за потенцијалниот трансфер на млад фудбалер на Јунајтед.

Имено, во трката за Матсијал сега се приклучи и Борусија Дортмунд, а „Милионерите“, наводно, подготвија „сериозна“ понуда во надеж дека ќе можат да го обезбедат неговиот потпис.