Стоилов: Против Мешков сме фаворити ама тоа треба да го докажеме на терен

Македонскиот ракометен првак вардар го очекува дуел со Мешков Брест во шестата рунда од Лигата на шампионите. Капитенот на „црвено-црните“ Стојанче Стоилов смета дека Вардар е фаворит, но во никој случај не го потценува ривалот.

– Имаат нов тренер што покажува дека нешто е сменето. И досега покажаа дека имаат квалитет. Ние треба да покажеме дека сме фаворити. Имавме проблеми во тимот со повредени, а сега и со суспензија. Но, тоа е тоа, нема оправдување и мора да се оди на победа, изјави Стоилов.

Натпреварот е закажан за в сабота во 17:30 часот во СЦ „Јане Сандански”.

Во пресрет на овој дуел Вардар е на делба на првата позиција на табелата во А-групата со Барселона и Киелце имаат по осум бода. Мешков Брест по пет кола има две победи и три порази.