Темната страна на славата и парите: Фудбалер заплака во авион, следеше пекол

Во фудбалот има детали за горчлив вкус, многу карактеристични за светот на славата и парите што го опкружуваат фудбалот.

Да се ​​биде добар, смирен и повлечен не мора да значи да се биде омилен во соблекувалната. Обично таквите жртви трпат потсмев. Тоа се случи во славниот Јувентус.

Еден од најдобрите напаѓачи што Шпанија ги даде во овој век, вистински шампион и врвна личност, доживеа своевиден „мобинг“ во торинскиот гигант.

Фернандо Љоретне пристигна во Јувентус како големо засилување. Тој го напушти својот Атлетик Билбао, потпиша за Бјанконерите бесплатно, каде на крајот беше понижен од соиграчите.

Тажната анегдота ја раскажа Патри Евра, човек кој најчесто открива тајни од соблекувалната. Се се случи во втората сезона на Љорен во Јувентус.

Тимот патуваше со авион на гостување и сите заедно гледаа филмот. Љоренте го погодија некои детали, стана емотивен и соиграчите веднаш почнаа да го исмејуваат.

Некои почнаа да се сомневаат во неговата машкост, тоа почна да се случува секој ден по што Љоренте се оддалечи од своите соиграчи.

Интересно е што и Евра учествуваше во се, но сега реши да се критикува себеси и своите поранешни соиграчи дека критикувале некого само затоа што јавно ги покажал чувствата.

На крајот од таа сезона, шпанскиот напаѓач си замина од Јувентус со трансфер во Севиља бесплатно. Судбината сакаше овие два тима да се сретнат во Лигата на шампионите.

Љоренте со својот гол и донесе победа на Севиља, но на крајот се покажа како вистински џентлмен и им се извини на навивачите на Јувентус.

36-годишниот фудбалер моментално настапува за Еибар, а по Севиља настапуваше и за Свонси, Тотенхем, Наполи и Удинезе.