Тежок натпревар за Барселона и голем пресврт за продолжување на позитивната серија

Фудбалерите на Барселона одиграа уште еден возбудлив дуел во Ла Лига.

Во 27. коло гостуваа кај екипата на Елче која се бори за опстанок и по пресвртот славеше со 1:2.

Домашните одиграа храбро против Барселона, а круна на сето тоа беше водството од 1:0. Фидел во 44. минута ја затресе мрежата на Каталонците.

Во продолжението од натпреварот Барселона се разбуди, создаде неколку добри прилики, а погоди во 61. минута кога Феран Торес на асистенција на Алба израмни на 1:1.

По голот Каталонците тргнаа на победа, но домашните играчи имаа одлични интервенции во одбраната.

Сепак, во 85. минута беше досуден пенал за Барселона, а сигурен реализатор беше Депај за 1:2 и тоа беше тежок триумф за Барселона по пресвртот.

Барселона сега е на третото место со 48 бодови по 26 одиграни натпревари и ја продолжи серијата позитивни резултати, додека Елче остана на 14. место со 29 бодови.