„Тие заработуваат 3 милиони евра сезона и симулираат, тоа е полошо од расизмот“

Шефот на италијанскиот олимписки комитет Џовани Малаго предизвика контроверзии тврдејќи дека симулациите се поголем проблем за италијанскиот фудбал отколку расизмот.

Серија А е критикувана на глобално ниво за расистички извици на стадионите и досега се забележани четири инциденти оваа сезона.

Сепак, Малаго, кој е претседател на КОНИ, смета дека симулациите се повеќе погрешни од исмејувањето на навивачите.

„Фановите кои провоцираат црни играчи не се во право“, рече тој за Радио24. „Сепак, уште погреши е кога некој што заработува 3 милиони евра по сезона симулира за да добие пенал“.