Тимо Вернер прва желба на Реал

Шпанските медиуми се повеќе пишуваат дека Реал Мадрид во своите редови сака да го доведе Тимо Вернер пред завршувањето на трансфер периодот.

„Дон Балон“ пишува дека „кралевите“ во овој млад 21-годишен напаѓач гледаат идеално засилување во нападот не само за сегашноста туку и за иднината.

Реал по продажбата на Роналдо во Јувентус, остана без најдобриот напаѓач и бара замена за него.

Вернер сега може да биде и идеална замена за Бензема, но и играч кој ќе го предводи нападот во иднина.

Вернер во Лајпциг за само две сезони постигна 42 гола во сите натпреварувања, или просек 21 гол по сезона. Преодниот рок во Шпанија завршува за две недели, а според медиумите Реал има одвоено 50 до 60 милиони евра за Германецот.