Три големи ѕвезди добија „шут карта“ од ПСЖ!

ПСЖ одлучи да се ослободи од еден клан, тврди „Л’Екип“.

Јавна тајна е дека во ПСЖ има неколку кланови кои ја расипуваат атмосферата во тимот, а некои играчи ги ставаат на милост и немилост.

Според „Л’Екип“, „Паркот на принцовите“ одлучил да се ослободи од сите аргентински фудбалери освен Лионел Меси.

Така, на крајот на сезоната тимот ќе го напуштат Анхел Ди Марија, Муаро Икарди и Леандро Паредес.

Ди Марија веќе одлучи да го напушти ПСЖ, а сега доби јасна порака дека повеќе не се смета на него во францускиот клуб.

🔴 Le PSG a décidé de se séparer de tout ses internationaux argentins à l’exception de Leo Messi 🇦🇷 !

Leandro Paredes 🇦🇷 et Mauro Icardi 🇦🇷 sont invités à quitter le club cet été.

Angel Di Maria 🇦🇷 est d’ores et déjà sur le départ.

(L’ÉQUIPE)

— Hadrien Grenier (@hadrien_grenier) April 18, 2022

Паредес и Икарди, пак, се поканети да го напуштат клубот и да бараат нова средина.

Заминувањето на Ди Марија секако ќе биде хендикеп, бидејќи тој е секако еден од најдобрите играчи во тимот, додека Паредес и Икарди секако се заменливи.

Ди Марија во ПСЖ пристигна пред седум години, а на крајот од сезоната ќе си замине како слободен играч по истекот на договорот.

Икарди и Паредес беа платени 100 милиони евра заедно и бидејќи не ги оправдаа вложените пари, може да се класифицираат како неуспешни.