УЕФА денеска одлучива дали ќе ги исфрли Реал Мадрид и Јувентус од Лигата на шампионите

УЕФА засега успеа да го сопре формирањето на Суперлигата на богатите клубови. Но, своите закани не ги реализираше до крај. Првиот човек на УЕФА Александар Чеферин најави дека некои клубови ќе сносат последици. Тоа сигурно ќе бидат Реал Мадрид и Јувентус, чии претседатели Флорентино Перез и Андреа Ањели се најголеми заговарачи на Суперлигата.

Според бројни светски медиуми можно е во текот на денешниот ден УЕФА да одржи состанок, на кој е можно усвојување и изрекување на казни за Реал Мадрид и Јувентус. Како што објави „Ројтерс“ овие два клуба се соочуваат со суспензија и исфрлување од Лигата на шампионите за следната напреварувачка сезона.