УЕФА го суспендираше Евра по што фудбалерот го раскина договорот со Марсеј

Фудбалерот Патрис Евра го раскина договорот со Олимпик Марсеј, откако УЕФА му изрече седуммесечна суспензија од натпревари, поради физичкиот напад врз навивач пред дуелот во Лигата на Европа против Виториа Гимараеш.

Освен суспензијата Евра е казнет и со парична казна од 10 илјади евра.

Договорот на Евра со Марсеј траеше до јуни идната година, до кога му важи и суспензијата од УЕФА.