Вардар пушти уште 500 билети за мечот со Барселона

Поради големиот интерес за натпреварот од Лигата на шампионите меѓу Вардар и Барселона пуштени се во продажба дополнителни 500 билети, соопшти ракометниот првак на Македонија на официјалниот сајт на клубот.

Билетите се за стоење и веќе се пуштени во продажба преку www.ticketplus.mk и на билетарницата на СЦ „Јане Сандански”. Цената изнесува 150 денари. Натпреварот меѓу Вардар и Барселона е закажан на 11 ноември во 17 часот во СЦ „Јане Сандански”.