Верстапен го крена гласот: Не можеме секогаш да ги завршуваме трките вака, во потера по ривалите

Макс Верстапен заврши како втор на последната Формула 1 трка во Сингапур. Резултат кој му овозможува на возачот на Ред Бул да остане на врвот на табелата со 52 бода предност пред Ландо Норис.

Актуелниот светски шампион ја започна трката од второто место и таа позиција ја бранеше до крајот.

„Секогаш бев сам. Се обидов да дадам се од себе, одржувајќи го темпото до крајот.  Мислам дека во викенд кога знаевме дека ќе се бориме за подиумот, да го освоиме второто место е добар резултат. Јасно е дека не сме среќни, но мора да се трудиме да се подобруваме се повеќе и повеќе и тоа е она што ќе се обидеме да го направиме понатаму“, рече Верстапен, и додаде:

„ Мораме да продолжиме да притискаме за да ја свртиме ситуацијата во корист. Не можеме да ги завршиме сите трки вака, во потера или второ. Да видиме како ќе се одвиваат работите. Сега со нетрпение очекувам да се одморам и да се опоравам за последниот дел од сезоната “.