ВИДЕО: Бизарна трка во Лондон, водечката натпреварувачка застана без причина

Необична ситуација се случи на трката на 3.000 метри за жени на атлетскиот митинг во Лондон, откако водечката натпреварувачка на половина круг до целта едноставно престана да трча и застана.

Во трката, која не се бодуваше за од Дијамантската лига победи Лилијан Касаит Ренгерук од Кенија, иако водечка натпреварувачка беше Фанту Ворку од Етиопија која на 200 метри од целта застана како трката да завршила и да победила.

Атлетичарката како што подоцна беше утвдено не била ниту повредена, ниту пак имала некаков друг проблем, туку згрешила мислејќи дека трката е завршена.

По ова сите останати атлетичарки ја поминаа, а 19-годишната Ворку на крајот остана без пласман.

Легендарниот атлетичар Мајкл Џонсон, кој како стручен консултант ја коментираше трката за Би-Би-Си, наведе дека досега не видел такво нешто и дека е бизарно.

Ethiopia's Fantu Worku stopped suddenly with 200 metres left in the women's 3,000 metres at the London Anniversary Games, thinking she had won the race by mistake pic.twitter.com/EbeP0IRHi8

— TRT World Now (@TRTWorldNow) July 21, 2018