Фудбал
Видеото од потегот на Модриќ за еден ден собра речиси 25 милиони прегледи
Потегот кој Лука Модриќ го направи минатата година во реваншот од четвртфиналето на Лигата на шампионите против Челзи повторно беше споделен на неговиот TikTok. За само еден ден тоа видео беше прегледано речиси 25 милиони пати и луѓето повторно со воодушевување го коментираат нарекувајќи го Модриќ богот на асистенциите и најдобриот играч за врска.
За да го погледнете потегот на Модриќ кликнете тука.
Станува збор за асистенција која многумина ја нарекоа најубава во Лигата на шампионите, а Марка ја опиша вака: „Неговиот пас со славната „надворешна“ за голот на Родриго, со кој го спаси Реал, не може ни достојно да се раскаже. Модриќ е генијалец и нема други зборови што подобро го опишуваат. Само можеби магионичар, затоа што тоа беше потегот со кој го постави голот. Со Модриќ на теренот ништо не е невозможно.
Хрватскиот гениј заслужува Реал да му изгради споменик. Сега, одма. Во реваншот против Челзи, тој го помина првото полувреме мислејќи повеќе на одбрана отколку на создавање, а Реал навистина го почувствува тоа. Во вториот дел веќе го имаше добро познатиот Модриќ, но додавањето за голот на Родриго е апсолутен генијален потег! Магичниот Модриќ додаде уште една игра во својата богата колекција ремек-дела.“