Заедно чинат дури 248 милиони фунти, а сепак нема простор за нив во англиските клубови

Воведниот дел од сезоната во англиската лига понуди неколку интересни натпревари, но спектаклот сè уште се очекува.

Ливерпул покажа неверојатна доминација на почетокот на сезоната, при што Манчестер Сити не изгледаше толку убедлив како претходните две години. Почетокот на сезоната беше многу добар за едни, но турбулентен за други.

Незадоволството на играчите кои не играат онолку колку што очекуваа, расте, а тоа првенствено важи за Кристијан Пулишиќ и Месут Озил, кои се чини дека не се членови на своите екипи.

„The Sun“ на почетокот на репрезентативната пауза одлучи да го направи најдобриот тим на играчи кои немаат минутажа оваа сезона, а повеќето од нив се меѓу најплатените играчи во своите екипи.

Овој тим од 11 фудбалери чини неверојатни 248 милиони фунти, но едноставно во моментов нема место за нив во англиската Премиер лига.

Во тимот спаѓаат: Харт (Барнли), Мустафи (Арсенал), Гибсон (Барнли), Рохо (Манчестер Јунајтед), Фоден (Манчестер Сити), Вањама (Тотенхем), Шаќири (Ливерпул), Озил (Арсенал), Пулишиќ (Челзи) , Иханачо (Лестер) и Тосун (Евертон).