Зидан ги загрижи навивачите на Реал: Имам договор, но којзнае што носи иднината

Зинедин Зидан ги покажа своите тренерски способности.

Со Реал, тој стигна до трофејот во Ла Лига и ги заработи сите пофалби на навивачите.

Тој истакна дека ова е еден од најдобрите моменти во целата негова кариера, а на прес-конференцијата кога сè се смири, тој зборуваше и за својата иднина.

“Никој не знае што ќе се случи. Јас имам договор. Сакам да бидам тука, но никогаш не знаете што може да се случи во фудбалот. Тука работите се менуваат на дневна основа. Вие не знаете што носи иднината”, рече легендарниот Французин и малку ги загрижи навивачите на Реал Мадрид.

Дека Зидан е фаворит во клубот покажува и изјавата на капитенот Рамос, кој рече дека сè што Зидан допира и се претвора во злато.