Зидан им даде одмор на седум главни играчи за натпреварот против Севиља

Тренерот на Реал Мадрид, Зинедин Зидан, ги ослободи од главната група седум стартери за гостувањето кај Севиља во Ла Лига.

Дуелот на „Роман Санчез Писхуан“ се игра вечерва од 21:30 часот.

Зидан нема да ризикува повеќе со своите главни играчи пред финалето на Лигата на шампионите на 26-ти мај.

Тој им даде одмор на голманот Кејлор Навас, дефанзивциите Рафаел Варан и Марсело, халфовите Тони Крос и Лука Модриќ, како и на Герет Бејл и Кристијано Роналдо.

Севиља се уште има теоретски шанси за пласман во Лигата на Европа.

Екипата на Реал: Кико Касиља, Лука Зидан, Хесус Ваљехо; Серхио Рамос, Начо Фернандез, Ашраф Хаким, Алваро Техеро, Луисми Кесада, Каземиро, Маркос Љоренте; Марко Асенсио, Матео Ковачиќ, Даниел Себаљос, Оскар Родригез; Карим Бензема, Лукас Васкез, Борха Мајорал.