Зошто Погба не ја фарбаше косата на Мундијалот во Русија?

Пол Погба со репрезентацијата на Франција, на Мундијалот во Русија стигна до титулата светски шампион.

Погба покажа одлична игра на Мундијалот, што не може да се каже за поголемиот дел од минатата сезона кога се во прашање неговите настапи во дресот на Манчестер Јунајтед.

Исто така, Погба во Русија не ја фарбаше косата, а позната е дека Французинот е љубител на шарените и необичните фризури. Поради тоа често го критикуваа дека повеќе внимание обрнува на фризурите отколку на играта и успехот на неговата екипа.

Сепак, таквите фризури изостанаа во Русија, а за сите оние кои ги интересира зошто тоа беше така, Погба одговори на Инстаграм.

„Не сум ја фарбал косата на Мундијалот затоа што сакав мир, сакав фокусот да биде на моите изведби, а не на мојот изглед. Така да не би било оправдување, и да можат да ги критикуваат само фудбалските сегменти“, истакна Погба.