12. триумф за Кливленд по ред, Бостон не го дава врвот на Исток

Пред Вицепрвакот овој пат падна Чикаго и тоа пред своја публика со убедливи 113-91. Токму Двејн Вејд поранешниот играч на „Биковите“ беше еден од најефикасните за Кливленд со 24 поени, исто колку што впиша и Кевин Лав, потпомогнати и од Леброн Џејмс со 23 коша, 7 скока и шест успешни додавања.

Победничка мини серија од 4 натпревари во низа има и шампионот Голден Стејт. Вориорс и покрај негативата од 21 поен, до крајот со пресврт на гости го совладаа Њу Орлеанс со 125-115.  Стеф Кари брилираше со 31 поен, се до последниот квартал,кога поради повреда на скочниот зглоб го напушти паркетот.