Две причини зошто Суарез нема да потпише за Јувентус

Роналд Куман му порачал на Луис Суарез пред неколку недели дека не смета на неговите услуги во новата сезона и дека може да побара нов тим. Уругваецот се поврзуваше со Јувентус, но сега е јасно дека од тоа нема да има ништо.

Според најновите информации, во Барселона се предомислиле, па Суарез најверојатно останува. Иако го положи италијанскиот јазик и беше во Италија, сепак напаѓачот нема да потпише за Јувентус ова лето.

Првата причина е тоа што Јуве сака да го регистрира како домашен играч, а пасошот Суарез ќе го добие дури наредната година. Втората причина е тоа што Андреа Пирло одлучил во овој преоден рок да биде ангажиран Един Џеко, а не Суарез. Наскоро се очекува и да биде официјализиран трансферот на Босанецот.