Connect with us

Фудбал

Каква сцена во Серија А: Голманот тргна да се пресмета со играчот затоа што го понижи со „паненка“ (ВИДЕО)

Емполи ја декласираше Салернитана во првото полувреме и поведе со 4:0 по 45 минути игра.

Гостите имаа три гола разлика по головите на Пинамонти, Кутроне и автоголот на Страндберг по само 13 минути игра, а во последната минута од првото полувреме дојде и четвртиот гол.

Судијата Даниеле Довери покажа на белата точка, а Андреа Пинамонти ја презеде одговорноста за изведувањето на пеналот.

И приреди спектакл. Со паненка го понижи голманот на домашната екипа Вида Белец, а тоа на овој не му се допадна.

За Белец ова било понижување, па почнал да трча кон Пинамонти.

За среќа, тој беше спречен во тоа, а кој знае што ќе се случеше доколку успееше да стигне до Пинамонти.