Му се потсмеваше на Марадона дека е дебел, па понижувањето кое му го нанесе долго не му излегуваше од глава

На денешен ден во 1980 година се одигра натпревар на кој се прослави покојниот Диего Марадона.

Легендарниот аргентински фудбалер, кој за жал почина минатата година, остави една од најголемите траги во фудбалската историја и денес се смета за најдобар на сите времиња.

Животот на Диего беше полн со контроверзии, многу се пишуваше и зборуваше за него поради работите што ги правеше надвор од теренот, но тој беше „вонземјанин“ на теренот. Започна во Аргентинос Јуниорс, од каде се пресели во Бока Јуниорс во 1981 година, а подоцна ќе го носи дресот на Барселона, Наполи, Севилја… Во Аргентина се врати во 1993 година и таму играше неколку сезони – прво во Њуелс Олд Бојс, потоа во својата Бока.

Но, истата таа Бока Диего ја „малтретираше“ и додека го носеше дресот на Аргентинос. Посебно ќе се памети еден натпревар. Се одржа на денешен ден, 9 ноември 1980 година. На истиот Марадона ќе експлодира, ќе резервира карта за Бока, но и ќе го понижи еден од најголемите аргентински голмани.

Аргентинос славеа со 5:3 против Бока, а Марадона постигна дури четири гола на својот иден клуб. Диего имаше посебен мотив во голманот Хуго Гати, кој бранеше за Бока и кој пред натпреварот на новинарите на прашањето за Марадона им рече дека е „обичен дебел човек измислен од медиумите“ и дека „срамота е да не се грижи за себе, затоа нема да може да оди наскоро“.

Диего таков каков што беше, налутен од таа изјава, па реши да му се одмазди на теренот, во тоа што најдобро го прави. Во тоа успеа постигнувајќи дури четири гола. За работата да биде поинтересна, тој постигна два од четирите гола од слободен удар.

Навивачите му упатија овации, а Гати немаше друг избор освен подоцна да му се извини на легендарниот Диего.

Долго време Гати го прогонуваше таа вечер и тие четири примени гола, додека не заборави.

„Сакам да му се извинам. Се надевам дека Диего ме разбра. Во ниту еден момент не реков дека е буцкаст и не сакав да го навредам, туку сакав да свртам внимание на неговата градба и дека ќе мора да работи на тоа. Тој е најдобриот фудбалер во Аргентина“.

Росарио беше шампион во тоа време, но Диего беше најдобар стрелец во лигата со 17 голови. Подоцна во Бока соработуваше со Гати со кого ја освоија единствената титула во историјата на аргентинскиот фудбал.