Чави за состојбата во Барселона: Загрижен сум!

По испаѓањето од Лигата на шампионите, тимот е многу вознемирен, а Чави прави се да ги опорави фудбалерите на психолошки план.

-Загрижен сум. Многу загрижен, но и доста зафатен бидејќи морам емотивно да го закрепнам тимот“, рече Чави, додавајќи:

“Имам чувство дека психолошкиот проблем е главната причина за се. Се обидувам да го охрабрам тимот. Повторно го гледав натпреварот со Баерн и не сме далеку од она што го сакаме. Оптимисти сме за иднината, вели Чави.

Претседателот на клубот Жоан Лапорта најави засилување во јануари. За тоа зборуваше и Чави.

-Јануарски засилувања? Ограничени сме поради платите, но ќе видиме што може да се направи.

Барселона утре игра натпревар против Осасуна, а нов неуспех секако дополнително би ги разочарал навивачите на каталонскиот гигант.