Connect with us

Фудбал

Што е ова сега? По Кавани и Рашфорд сака да оди во Барселона?

Барселона моментално нема (многу) пари, но има големо име кое е привлечно за сите, додека во исто така големиот Манчестер Јунајтед очигледно има добри фудбалери, но моментално незадоволни од својот статус.

Или сето тоа е заедничко за „Озборувачката рубрика“ во пресрет на јануарскиот преоден рок.

Како и да е, Единсон Кавани наводно веќе со едната нога стапнал на „Камп Ноу“. Одличниот Уругваец го загуби местото и минутажата во тимот на Манчестер Јунајтед со доаѓањето на Кристијано Роналдо.

Тој минатата сезона потпиша нов едногодишен договор, но од почетокот на сезоната настапи на само пет натпревари во Премиер лигата, двапати како стартер и постигна еден гол. Премалку за Уругваецот, иако во февруари ќе го прослави својот 35 роденден.

Тој сигурно би имал многу повеќе место во Барселона, особено по принудниот крај на кариерата на „Серхио Кун Агуеро“.

Маркус Рашфорд е многу поголема енигма. Точно 10 години помлад од Кавани, англискиот репрезентативец, брз, модерен играч, дизајниран со години да биде напаѓач во ударите на нападот на Манчестер Јунајтед. Тој наводно е незадоволен од третманот на Олд Трафорд. Впрочем, ова не е прв пат Рашфорд да се поврзува со Каталонците.

Се разбира, сè треба да се земе со зрно сол. Особено што оваа вест ја лансираа шпанските медиуми во соработка со англискиот жолт печат. Колкава вистина има овде ќе видиме во наредните денови или ова е само озборување и загревање пред студените денови и зимскиот преоден рок.

Исто така, одамна е познато дека уште двајца офанзивни играчи се на излезната врата на Манчестер Јунајтед: Ентони Марсијал и Џеси Лингард…