Бомбаааа, Ливерпул на продажба?!

Фудбалскиот клуб Ливерпул наскоро може да добие нови сопственици, објави „Фенвеј спортс груп“, која моментално управува со клубот.

Имаше шпекулации дека Ливерпул би можел да ја промени сопственичката структура во блиска иднина, често отфрлани од луѓе блиски до клубот, но сето тоа прерасна во реалност.

🚨 EXCLUSIVE: Liverpool have been put up for sale by Fenway Sports Group. Sale deck has been produced for interested parties. Goldman Sachs + Morgan Stanley assisting evaluation process. Unclear if deal gets done but FSG inviting offers @TheAthleticFC #LFC https://t.co/hdmPKeb1ec

— David Ornstein (@David_Ornstein) November 7, 2022

„Неодамна имаше неколку промени во сопственоста и шпекулации за нови сопственици во клубовите од Премиер лигата и сега сакаме транспарентност за сопственоста на Fenway Sports Group врз Ливерпул. FSG неодамна доби интерес од трети страни да стане акционер во Ливерпул. FSG претходно изјави дека тоа би дозволило нови акционери во клубот под соодветни услови доколку тоа е во најдобар интерес на Ливерпул. FSG останува целосно посветена на успехот на Ливерпул на и надвор од теренот.“

Тоа не значи дека FSG би бил подготвен целосно да го напушти клубот, но со задоволство би прифатиле нови инвеститори. Може да доаѓаат и од Соединетите Американски Држави или во форма на шеици кои неодамна кокетирале со „црвените“. Ливерпул би можел да ја промени и својата трансфер политика, бидејќи американските сопственици моментално трошат само онолку колку што заработуваат.