Connect with us

Фудбал

Запознајте го Бен, од ФИФА добил 64 карти да ги следи сите мечеви на Мундијалот во Катар, како успеава во тоа?!

Бен Блек од Лондон e во Катар и има посебна мисија – сака да ги следи сите натпревари кои ќе се играат на Светското првенство.

„Првиот ден имаше еден натпревар. На вториот ден, три. И мислев дека ќе биде тешко, но потоа дојде фаза во која имаше четири натпревари на ден“, изјави Бен за Ројтерс, додавајќи дека се загубил во пресметката колку дена и колку натпревари се „нижеле“ додека во просек секој ден прави 20.000 чекори.

Секако, за да стигне на секој натпревар во третото коло кога се играа два меча во ист период, тој не можеше да ги гледа сите натпревари од почеток до крај, но успеал да стигне на сите.

А се започна кога, откако дошол до идеја, испратил видео со мини-презентација за тоа што сака да постигне до организаторите на Светското првенство.


„Првиот натпревар изгледаше како да беше пред една година. Но, еден ден, кога ќе имам 60 или 70 години, ќе можам да им кажам на моите внуци дека една година бев на сите натпревари. Никој досега не го направил тоа“, вели овој млад човек од Лондон.

За него ова е многу интересен потег, а интерес покажаа и организаторите. ФИФА му додели патување во Катар и билети за сите 64 натпревари.

Нему му остануваат уште осум натпревари, а четвртфиналето започнува во петок со дуелот помеѓу Бразил и Хрватска.