Над 2 милиони луѓе барале карта за мечот Меси против Роналдо, еве колку ќе заработи ПСЖ!

Саудиска Арабија дефинитивно стана центар на фудбалскиот свет во новата 2023 година.

По финалето на шпанскиот Суперкуп помеѓу Барселона и Реал, следува финалето на италијанскиот Суперкуп во кој ќе играат Милан и Интер, а круна на се е пријателскиот натпревар во кој ќе играат Кристијано Роналдо и Лионел Меси,  повторно едeн против друг.

Пари Сен Жермен ќе игра против комбиниран тим од двете најуспешни екипи од Саудиска Арабија, Ал Наср и Ал Хилал.

Според француските медиуми, за пријателскиот натпревар в четврток во Ријад, клубот од Париз ќе заработи 10 милиони евра. Финансискиот дефицит на клубот од минатата сезона е 370 милиони евра, а сличен ќе биде и сегашниот, па секоја добивка вреди злато.

Инаку, билети за овој натпревар официјално побарале над два милиони луѓе, но само педесет илјади среќници ќе можат да го следат овој натпревар во живо.