Промашувањето на Барселона сака повторно да игра со Меси, но сега во ПСЖ!

Пари Сен Жермен е во потрага по уште едно крило откако Пабло Сарабија потпиша за Вулверхемптон.

Тренерот Кристоф Галтие неколку пати потврди дека сака да внесе уште еден напаѓач во ротацијата, а агентите на Малком процениле дека може токму тој.

Ако се сеќавате, Малком пристигна во Барселона, иако Бордо веќе ја прифати понудата на Рома, но Каталонците практично го киднапираа на аеродром и го донесоа за 40 милиони евра.

Малком не се снајде најдобро, одигра само една сезона во Барселона, која потоа го продаде на Зенит во 2019 година за исто толку пари – 40 милиони.

Бразилецот помина многу подобро во Русија, постигна 31 гол со 22 асистенции на 98 натпревари и сега верува дека може да се врати во Франција и во ПСЖ.

Оваа вест ја потврди сигурниот Тони Хуанмарти, но не се знае дали ПСЖ ќе го доведе Бразилецот за играч во ротацијата.

Малком има 26 години, па јасно е дека има уште неколку сезони пред него, само прашање е на кое ниво.