Ве молам помогнете, во името на Господ, тука луѓето умираат-легендата на турскиот фудбал не може да ги сопре солзите (ВИДЕО)

Волкан Демирел плачеше во директен пренос и побара помош по земјотресот во Турција. Разорен земјотрес со јачина од 7,8 степени според Рихтеровата скала во раните утрински часови ја погоди Турција, а неколку часа подоцна следеше уште еден со јачина од 7,5 степени, а според првичните информации загинаа повеќе од илјада луѓе. Голем број граѓани ги загубија животите во урнатините, а многумина се уште се борат за живот додека трае спасувачката операција, но Турција не може сама да го стори тоа. Во тоа име помош побара познатиот турски голман Волкан Демирел, а тој се расплака во порака на Инстаграм.

😢🇹🇷 Ex-Fenerbahçe goalkeeper and current Hatayspor manager Volkan Demirel was in tears on Instagram live.

Türkiye has been hit with a very severe earthquake: 7.8 magnitude, with hundreds sadly confirmed dead. pic.twitter.com/Sr9QqyFI6v

— EuroFoot (@eurofootcom) February 6, 2023

„Ве молам помогнете! Ве молиме испратете ги сите ресурси што ги имате, не се само Хатај и Антакија… Ве молам! Ве молам во името на Бога, луѓето умираат овде“, рече Демирел во видеото емитувано во живо на социјалните мрежи. граѓани кои се повредени.

Демирел е поранешен голман на Карталспор и Фенербахче (во овој клуб помина 17 години), а беше и турски репрезентативец и забележа 63 настапи. Во меѓувреме, тој се впушти во тренерската работа и по Карагумрук го презеде Хатајспор, клуб од Антакија, град кој беше погоден од земјотреси.

Во меѓувреме, откриено е дека под урнатините е и неговиот фудбалер Кристијан Атсу, кој синоќа во 97. минута го постигна победничкиот гол.