Зимска понуда за Зелински

Челниците на англискиот премиерлигаш Ливерпул ќе се обидат и за време на зимскиот преоден рок да ги осигураат услугите на полскиот интернационалец од редовите на италијанскиот калчолигаш Наполи, Пиотр Зелински.

Одличниот играч за врска беше голема желба на „црвените” и за време на летниот преоден рок, но двата клуба не најдоа заеднички јазик околу обесштетувањето.

Според раководните лица на „азурите”, поранешниот фудбалер на Емполи вреди најмалку 80 мил. евра.