Тимовите во Формула 1 размислуваат за супер сезона!

Поради пандемијата на коронавирус, голем број на трки во Формула 1 планирани за почетокот на сезоната се одложени. Две трки се целосно откажани, додека шест бараат нови датуми.

Оваа сезона би можела да биде продолжена до јануари 2021 година. Тимовите дадоа целосна слобода на Формула 1 и Либерти Медија да го одлучат календарот за остатокот од сезоната.

„Заедно со останатите лидери на тимот, сметам дека ова се клучни точки. Ние им дадовме на Кери и на ФИА да го дефинираат календарот како што сакаат во овие околности. Можеме да имаме дводневни викенди да го преместеме бесплатниот тренинг за саботата наутро за да ги исполниме логистичките цели ако трките се „стеснат“. Тековната ситуација остава простор за трки во август, доколку се исполнети условите“, рече шефот на Ферари, Матија Биното.

Ова значи дека сезоната 2020 година практично би станала супер сезона бидејќи некои трки би се воделе и во јануари 2021 година, па паузата помеѓу двете сезони би била само еден месец.

„Овие се сите опции за кои ние како тим треба да обезбедиме максимална достапност. Ако овој потег ни овозможи да имаме поцелосна сезона во 2020 година без да започне следната сезона во март, постои голема можност за тоа”, додаде Биното.