Други спортови
Тајсон Фјури е во центарот на вниманието, дури и кога носи маска
Еден од најдобрите светски борци во тешка категорија, Тајсон Фјури, исто така е во центарот на вниманието дури и за време на вирусот „Ковид19“.
Со оглед на тоа што во повеќето земји во светот употребата на заштитни маски е пропишана со закон, додека граѓаните се движат низ јавен простор, Циганскиот крал реши да преземе акција.
Тој направил маски во неколку бои со натпис „Gypsy King“, кој всушност е неговиот прекар.
Тој се сликаше со тоа и им ги претстави на своите следбеници на Инстаграм. Тој рече дека од тој момент се пуштени во продажба и дека дел од собраните пари ќе одат во Националната здравствена служба, т.е. кон работниците кои се „на предната линија“.
Кога станува збор за она што се случува во спортската кариера на Фјури, треба да се каже дека тој веројатно ќе има трет натпревар против Деонтај Вајлдер во следниот период. Борбата требаше да се случи летово, но истата ќе биде одложена, најверојатно, за самиот крај на годината.
Во последниот натпревар во февруари против Вајлдер, Фјури беше брилијантен и брутално го совлада Американецот. Се смета дека третиот натпревар нема да се одржи во САД или Велика Британија.
