Ајакс им забрани на своите навивачи да бараат дресови од играчи

Холандскиот првак Ајакс воведе забрана за навивачите на тимот да поставуваат плакати со барање да го добијат дресот на одреден фудбалер, објавија медиумите во Ниските Земји.

Забраната доаѓа бидејќи во последно време има драстично зголемување на ваквите плакати, кои главно ги држат деца.

За нас стана невозможно да ги исполниме желбите на сите и кога играчите треба да ги поминат овие навивачи, тие се критикувани и наречени арогантни“, изјави Ајакс.

Дополнително, ваквите картонски знаци претставуваат опасност од пожар, а неколку беа запленети во саботата на арената Јохан Кројф во Амстердам за натпреварот од холандскиот Суперкуп помеѓу Ајакс и ПСВ, кој гостите од Ајндховен го добија со 5-3.