Ајакс се пласира во групната фаза од Лигата на шампионите благодарение на победата на Баерн над Лион

Амстердам, 20 август 2020 (МИА) – Баерн го совлада Лион со 3:0 во полуфиналето на Лигата на шампионите и покрај себе, му направи услуга и на холандскиот тим Ајакс.

Испаѓањето на француски клуб кој не се квалификуваше во Лигата на шампионите за следната сезона му овозможи на Ајакс автоматски пласман во групната фаза на турнирот.

Според прописите на елитното натпреварување, бидејќи финалистите Баерн и ПСЖ веќе се квалификуваа во Лигата на шампионите како шампиони на нивните лиги, фудбалската асоцијација, која го зазема 11. место на табелата со коефициенти на УЕФА, ќе добие директен билет во групната фаза, односно првенството во Холандија, во кое победник стана Ајакс. зс/