Фудбал
Активни на Олд Трафорд: Договорот падна, се чека официјален потпис
Навивачите на Манчестер Јунајтед можат да здивнат и да започнат со лесна прослава.
Манчестер Јунајтед и Бруно Фернандеш се договорија за продолжување на соработката до 2027 година, а клубот од Олд Трафорд денеска треба да официјализира нов потпис.
Bruno Fernandes and Manchester United until 2027. Here we go. 📑✍🏻🇵🇹 #MUFC pic.twitter.com/DINn2eunzv
— Fabrizio Romano (@FabrizioRomano) March 31, 2022
Фернандеш имаше актуелен договор со Јунајтед до 2025 година, а по многу преговори беше постигнат договор да биде член на Јунајтед до 2027 година.
Со овој потпис Фернандеш дефинитивно би ставил крај на шпекулациите каде ќе ја продолжи кариерата, а да потсетиме дека во јануари одекна веста дека Барселона се интересира за него.
Португалскиот репрезентативец оваа сезона одигра 37 натпревари за Манчестер Јунајтед во сите натпреварувања, постигна девет гола и забележа 14 асистенции.
Медиумите на Островот исто така известуваат дека со новиот договор Фернандеш ќе заработува околу 15 милиони евра годишно.