Алонсо одбил понуда од Ред Бул

Двократниот светски шампион Фернандо Алонсо изјави дека одбил понуда од Ред Бул поради одлуката да се повлече од Формула 1.

Пилотот на Мекларен додаде за „Скај Спортс“ дека предлогот од Австријците дошол по веста дека од следната сезона Даниел Рикардо ќе вози за Рено.

– Јас веќе имав понуда од една од првите три екипи, рече тој.

Запрашан дали овој тим е Ред бул, Шпанецот одговори: „Да“.

Претходно, шефот во Ред Бул – Кристијан Хорнер, изјави дека таков предлог не постои.

– Го почитувам Фернандо, тој е одличен, фантастичен пилот, но… Каде тој и да отиде, обично се создава хаос. Не сум сигурен дека на нас ќе ни се одрази добро ваквиот потег. Нашата стратегија е да инвестираме во млади пилоти, а не во такви кои се на крајот на својата кариера, изјави Хорнер.