Англиски навивач: Руските фанови се животни

нглискиот фудбалски навивач Стјуарт Греј, кој беше тешко повреден за време на немирите во Марсеј во 2016 година, рече дека нема да оди на Светското првенство 2018 година. 50-годишниот маж е загрижен за неговата безбедност. 

– Руските навивачи се животни, тие ќе се обидат да те убијат. За нив фудбалските натпревари се воена операција. Ниту еден од моите пријатели нема да оди на Светското првенство. Не советувам некој да оди таму, подобро е да се гледа турнирот на ТВ, бидејќи е побезбедно.

За потсетување, на Европското првенство-2016 Русија и Англија играа во иста група. На денот на натпреварот во Марсеј, Франција, на улиците на градот имаше судири, а исто така немири избија и на стадионот по финалниот свиреж.