Аргентина ја шокираше Хрватска, „Каубоите“ се пред елиминација!

Хрватската ракометна репрезентација неочекувано беше поразена од Аргентина со 23:19 во клучниот натпревар за пласман во четвртфиналето на Светското првенство во Египет.

Избраниците на Лино Червар навистина не се истакнаа за време на Светското првенство, а сега се поразени од аутсајдерот Аргентина и се на чекор до елиминација.

Во последното коло на Хрватска и треба победа над Данска и пораз на Аргентина од Катар, што не е реално да се очекува.

Аргентинците силно го започнаа мечот и направија серија од 5:0, но Хрватска до полувремето успеа ја нулира предноста, па на пауза се замина со резултат 12:12.

Во продолжението од мечот, Аргентинците повторно поведуваат, достигнувајќи два, потоа три, па четири гола предност, а на пет минути пред крајот веќе беа на плус пет и тоа беше крај на сите надежи на хрватските ракометари.

Чупиќ беше убедливо најефикасен во Хрватска со седум погодоци, но недостасуваше поддршка од повеќето негови соиграчи. Себетиќ и Мамиќ постигнаа по три гола. Кај Аргентина, Пизаро постигна четири гола, а Баронет и Симонет по три гола.