Арсенал ослабен на дербито со Вест Хем

Тимот на Арсенал ќе биде ослабен на утрешното дерби со Вест Хем. Менаџерот на „топџиите“ Арсен Венгер ќе ги нема на располагање повредениот Шкодран Мустафи и Арон Ремзи.

Арсенал е на петтото место на табелата и ќе бараат трета последователна победа над градскиот ривал, кој го победи шампионот Челзи (1:0) во последниот натпревар.

 Мустафи нема да се врати. Може да е подготвен да игра против Њукасл в сабота. Ќе го немаме ниту Ремзи. Сите останати треба да се на располагање. Оливие Жиру е многу важен играч и имам голема почит кон него. Лично јас сакам тој да остане во клубот, рече Венгер.