Арсенал се врати на врвот во Премиер лигата по победата над Брентфорд (ВИДЕО)

Арсенал на домашен терен го совлада Брентфорд со 3-0 во натпревар од 8.коло на Премиер лигата. Головите на натпреварот ги постигнаа Вилијам Салиба, Габриел Жесус и Фабио Виеира, а Букајо Сака имаше две асистенции.

По центаршут од корнер на Букајо Сака во 17. минута, топката на првата статива ја прекина Вилијам Салиба, кој шутираше во спротивниот агол и со помош на левата статива го отвори резултатот – 1:0.

Киеран Тиерни му додаде на Гранит Џака, кој од работ на шеснаесетникот ја нафрли топката зад одбраната во 28. минута. Таму, Габриел Жесус се издигна над Понтус Јансон за да го удвои водството на Арсенал.

На четири минути од вториот дел Букајо Сака комбинираше со Фабио Виеира, кој контролираше и шутираше со посилната лева нога. Португалецот постигна прекрасен гол од работ на шеснаесетникот.

Во 57. минута Габриел Жесус шутираше од белата точка, но голманот на Брентфорд, Дејвид Раја можеше да го одбрани ударот.

По нивната шеста победа, Арсенал го престигна Манчестер Сити и се најде на првото место на табелата во Премиер лигата. Брентфорд останува на 9-то место со предност од 9 бодови.