Баерн и Барса го сакаат, блеска на ЕУРО, но неговите се откажуваат од него: „Тој е предавник!“

Дензем Дамфрис игра за репрезентацијата на Холандија и се истакна во првите три кола на ЕУРО.

Тој погоди во првиот натпревар за победа над Украина со 3:2, потоа погоди и асистираше за победа од 2:0 над Австрија, и е еден од најзаслужните за пласманот на Холанѓаните во осминафиналето.

Капитенот на ПСВ има 25 години и има откупна клаузула од само 15 милиони евра, поради што беше мета на гиганти како Барселона, Баерн и Интер, кои ќе се обидат да го купат ова лето.

Тој стана херој на Холандија, но на малиот остров Аруба се одрекува и го смета за предавник. Дамфрис ја прифати поканата на тренерот на Аруба пред седум години, додека играше за нисколигашот Барендрехт, но подоцна реши да настапи на големата сцена.

„Тогаш го замолив да остане и да игра за нас и официјалните натпревари, но тој ми одговори дека не сака затоа што чекаше покана од Холандија. На тоа сите се смеевме, затоа што тогаш тој беше дете кое играше за аматери, но тој беше сериозен“, се присетува тогашниот тренер на Аруба, Џовани Франкен.

„Аруба е горд остров и затоа веднаш го отпишаа како предавник. Гневот кај Дамфрис растеше кога тој стана се повеќе познат, кулминирајќи сега кога тој е ѕвезда на ЕУРО и желбата на најголемите клубови. Дамфрис е sвезда на телевизиски канали во Аруба, но само го исмејуваат. Сепак, мора да ги разберете. Замислете како Холандците би реагирале ако Френки де Јонг реши да игра за Белгија по неговото деби за „Лалињата“? Се обидував да го наговорам да остане со репрезентацијата на Аруба. Му велев, ‘Остани со нас и ќе бидеш нашиот Роџер Мила или Џорџ Веа“, национален херој кој одби силна репрезентација да игра за оној што го сака! Тој одговори дека нема шанси тој да го стори тоа и дека ќе чека Холандија да го покани“, рече тој. Франкен.

Холанѓаните во недела ќе играат осминафинале против Чешка на стадионот во Будимпешта, а победник во четвртфиналето ќе игра против Данска или Велс.