Баерн започна преговори со Лајпциг за нов тренер

Германскиот стручњак Ханси Флик неодамна потврди дека ќе го напушти Баерн Минхен на крајот од сезоната.

Флик минатата сезона освои се што можеше со Баерн, но оваа сезона работите не одат како што очекуваше. Имено, Флик не е во добри односи со Хасан Салихамиџиќ, поради што реши да го напушти клубот

Салихамиџиќ не сакаше да дозволи Флик да биде вклучен во трансфер политиката на клубот. Челниците на клубот му дадоа поддршка на поранешниот играч на БиХ, што многу му пречеше на Флик.

Неодамна, Флик јавно откри дека ќе го раскине договорот со Баерн на крајот на сезоната и дека веќе им соопшти на играчите дека го напуштат клубот.

„Сакам да ја прекинам соработката на крајот на сезоната. Тоа е факт и беше многу важно за мене тимот да го слушне тоа од мене. Одлуката не беше лесна за мене. Јас сум навивач на овој клуб и јас ќе бидам вечно благодарен за шансата што ми ја дадоа. Направивме одлична работа во изминатите скоро две години и јас сум импресиониран од квалитетот што го има тимот“, рече Флик.

Се чини дека Баварците веќе започнаа да бараат нов тренер, а денес германските медиуми објавија дека Салихамиџиќ веќе донел одлука кој ќе биде шеф на стручниот штаб на Баерн од следната сезона.

Имено, денес беше објавено дека Баерн контактирал со Лајпциг и дека тие рекоа дека сакаат да го донесат Јулијан Нагелсман за нов тренер. Нагелсман дава одлични резултати на клупата на Лајпциг и ќе му биде тешко да одбие повик од Минхен.