Барди и Леванте го шокираа Реал Мадрид, титулата се подалеку за „Кралевите“ (ВИДЕО)

Нов шок за навивачите на Реал Мадрид.

Во 21. коло од ЛаЛига, Реал претрпе пораз на домашен терен од Леванте со 1:2 и со тоа направи уште еден голем чекор назад во борбата со Атлетико за врвот на табелата.

Проблемите за Реал започнаа во деветтата минута, кога Милитао доби директен црвен картон. Сепак, Асенсио погоди за 1:0 во 13. минута.

Сепак, клубот од Мадрид не го издржа скоро целиот натпревар со играч помалку.

Најпрво, Моралес израмни на 1:1 во 32. минута, на асистенција на Мирамон.

Во 64. минута, Куртоа го запре пеналот на Роџер. Меѓутоа после одличната асистенција на нашиот Енис Барди во 78. минута Роџер успеа да ја затресе мрежата на Реал и да ги постави конечните 1:2.

До крајот, Реал се обиде да спаси бод, но Леванте се спротивстави на нападите и оствари триумф на гости кој ги „зацементира“ на средината на табелата и му донесе нови проблеми на Реал.