Барела никогаш не сонувал дека великаните ќе се борат за него

Играчот за врска на Интер, Николо Барела (23) игра навистина феноменално оваа сезона.

Барела се истакнува во дресот на „нероазурите“, а ваквите игри не поминаа незабележано од другите тимови, па интересот за овој 23-годишник е навистина огромен.

Според „Газета дело Спорт“, тимот на Баерн го испратил првиот сигнал за интерес до Барела, но тие ќе имаат жестока конкуренција во борбата за неговиот потпис.

Покрај баварскиот гигант, интерес за играчот од средниот ред на Интер покажуваат и Реал Мадрид, Барселона, Ливерпул и Тотенхем, па Барела ќе има навистина тежок избор за нов клуб доколку Интер реши да го продаде.

Моменталната вредност на овој фудбалер е 55 милиони евра, а тој е обврзан со договорот за тимот од Милано до 2024 година.

Оваа сезона, Барела настапи на 25 натпревари за Интер, постигна два гола и осум асистенции.