Барселона го победи Рајо Ваљекано по пресврт

Фудбалерите на Барселона вечерва по пресврт го победија Рајо Ваљекано на гости со 2:1 во мечот од осминафиналето на Купот на кралот.

Каталонскиот клуб успеа да се пласира во четвртфиналето на ова натпреварување, но се чини дека тоа го постигнаа потешко од очекувањата.

Барселона имаше неколку одлични шанси во првото полувреме. Рамката на голот ја погодија Гризман и Ригуи Пуиг, но немаше промена во резултатот.

И, како што обично се случува во фудбалот, Рајо ги казнуваше гостите за промашувања. Во 63-та минута домашните поведоа со 1:0, а голот го постигна Фран Гарсија.

Но, само седум минути подоцна Барса израмни на 1-1. Гризман асистираше, а Меси ја испрати топката во празната мрежа.

Барселона стигна до целосен пресврт во 80-та минута. Гостите одиграа одлична акција кога Алба му асистираше на Де Јонг кој влезе со топката во мрежата и погоди за 2-1.

Барселона ја задржа предноста до крајот на играта и заслужено отиде понатаму.