Бартомеу: Не е фер другите клубови да користат средства кои не ги заработиле во фудбалот

Влегувањетѕо на богатите тајкуни во многу клубови, потполно го промениа светот на фудбалот.

Некои клубови од просечни станаа големи и играаат рамо до рамо со големите клубови кои своето име го заработиа со богато минато.

Претседателот на Барселона Џозеп Мариа Бартомеу смета дека никако не е фер другите клубови да користат финансиски средства кои не се заработени во фудбалот, односно користата извор на финансии од своите сопственици.

Бартомеу ги повика ФИФА и УЕФА да реагираат на вистински начин и да водат поголема грижа за финансискиот фер плај

„Не е фер некои клубови да користат средства и извори на финансии кои немаат врска со фудбалот. Погледнете ги само ПСЖ и Манчестер Сити“, рече Бартомеу, па продолжи:

„УЕФА и ФИФА мораат да одредат правила. Мора да се исполнуваат одредени услови за нивниот фер плеј да има смисла. Барселона е најпопуларниот клуб на светот и сите приходи ни доаѓаат од спортскиот сектор. Не е фер да другите да имаат поинакви извори“, рече Бартомеу.

Манчестер Сити и ПСЖ константно се под истрага на УЕФА, а англискиот клуб моментално се соочува со можни санкции, дури и со исфрлање од Европа.