Фудбал
Белингем има шанса да испише историја
Играчот од средниот ред на Реал Мадрид, Џуд Белингем игра феноменално оваа сезона, а неговиот голгетерски учинок е особено импресивен. Уште не е ни Нова година, а Британецот има постигнато вкупно 16 гола во сите натпреварувања – од нив 12 во Ла Лига.
Тој е на врвот на листата на стрелци, а го следат Борха Мајорал со 10 и Антоан Гризман со 9 гола.
Доколку го освои „Пичичи“, наградата наменета за најдобар стрелец на сезоната во Примера, ќе биде огромен успех – од повеќе причини. Ниту еден играч на Реал го нема направено ова во дебитантската сезона во „кралскиот клуб“ од Руд ван Нистелрој во сезоната 2006/2007.
Интересно е што ниту еден играч од средниот ред не е лауреат на „Пициќи“ од сезоната 1969/1970 година. кога Луис Арагонес, тогаш ѕвездата на Атлетико Мадрид, направи таков подвиг.
Белингем има можност да направи чекор напред во оваа трка со историја уште во недела, кога тимот на Карло Анчелоти ќе ги одмери силите со Виљареал.
This Jude Bellingham goal is so satisfying. pic.twitter.com/MG8HL3NKIP
— TC (@totalcristiano) December 16, 2023