Бензема нема да игра на Ел Класико поради секс скандал?

За нешто помалку од еден месец, поточно на 24 следниот месец, ќе се одигра првото дерби сезонава помеѓу Барселона и Реал Мадрид.

Кралскиот клуб би можел да го заврши овој натпревар без својот најдобар играч сезонава, Карим Бензема, поради работи кои немаат никаква врска со фудбалот.

Имено, францускиот напаѓач ќе мора да се појави на суд од 20 до 22 октомври поради секс -скандал од пред неколку години во кој беше вмешан и неговиот поранешен соиграч од националниот тим Матје Валбуена.

Она што е сигурно е дека Бензема нема да тренира со тимот пред тој натпревар, а неговиот настап на тој натпревар е многу сомнителен.

Бензема е првата виолина на кралевите оваа сезона, откако постигна исто толку голови на осум натпревари.

Французинот пристигна во Кралскиот клуб летото 2009 година заедно со Кристијано Роналдо и Кака. Со Реал освои се што можеше да се освои.

Четири Лиги на шампиони, три титули шампиони на Шпанија, два Купа на кралот на Шпанија се само некои од неговите успеси со овој клуб.

Тој ги бранеше боите на Мадрид на 559 официјални натпревари на кои постигна дури 284 гола.