Билиќ беше отпуштен утрово, а ВБА веќе најде замена

ВБА утрово објави дека клубот одлучил да ја прекине соработката со Славен Билиќ.

Челниците на овој клуб не чекаа долго да ја пронајдат неговата замена, а тоа е Сем Алардајс.

Според „Скај Спорт“, Алардајс договорил сè со челниците на Вест Бромвич Албион, а во текот на денот тој ќе биде официјално претставен како нов тренер на клубот.

Остана само да се комплетираат некои детали од неговиот договор, кој ќе биде потпишан на осумнаесет месеци.

За Алардајс, ова е идеална можност да се врати на фудбалските терени во Премиершип по повеќе од две години.